02.06.2023 - 10:00

Innlánini hækka framvegis

Innlánini frá føroyskum kundum í føroysku bankunum eru økt við góðum 1,2 mia. kr. í tíðarskeiðinum mars 2022 til mars 2023, tá samlaðu innlánini vóru 19,2 mia. kr.

Húsarhaldini eiga meginpartin av innlánunum, og tey hava økt síni innlán við góðum 150 mió. kr. í hesum tíðarskeiði til nærum 12,8 mia. kr. í mars 2023. Vinnan hevur í sama tíðarskeiði økt síni innlán við góðum 800 mió. kr. og tey vóru 4,8 mia. kr. í føroysku peningastovnunum í mars 2023, meðan tað almenna hevur økt síni innlán við 300 mió. kr. í sama tíðarskeiði.  

Les meir í frágreiðing landsbankans um fíggjarliga støðufestið í 1. ársfjórðingi 2023 her.