Landsbankanevndin er sambært lógini um Búskaparráð samstundis Búskaparráðið.

Nevndin (ráðið) er skipað við 5 limum, sum landsstýrismaðurin velur eftir tilmæli frá stýrinum fyri Fróðskaparsetur Føroya. Limirnir eru valdir fyri eitt trý ára tíðarskeið. Landsstýrismaðurin velur formannin. 

Í minsta lagi tríggir av limunum skulu vera búskaparfrøðingar við kandidatútbúgving frá hægri lærustovni. Nevndarlimirnir skulu harumframt hava fakligar førleikar innan eitt ella fleiri av førleikaøkjum nevnd niðanfyri og nevndarlimirnir skulu samanlagt fevna um allar førleikarnar:

  • Búskaparfrøði
  • Fígging og kredittmeting
  • Føroyskt vinnulív
  • Serligt innlit í føroyska fíggjargeiran ella búskapin í Føroyum.

Limirnir í Búskaparráðnum eru:

  • Johnny í Grótinum, kandidatútbúgving í búskaparfrøði, námslektari, Fróðskaparsetrið, formaður
  • Anja Rein, diplomútbúgving innan banka og leiðslu, stjóri, Demich
  • Hans Ellefsen, PhD-útbúgving í búskaparfrøði, lektari, Fróðskaparsetrið
  • Jan Otto Holm, kandidatútbúgving í búskaparfrøði, sjálvstøðugur ráðgevi og undirvísari
  • Marjun Weihe Thomassen, kandidatútbúgving í búskaparfrøði, fíggjarleiðari, Landsverk