19.03.2024 - 10:00

Brúkaraprístalið vaks við 2,8% í 4. ársfjórðini 2023

Prísirnir veksa framvegis, men ikki eins nógv, sum teir hava gjørt tað seinasta árið. Í fjórða ársfjórðingi 2023 vaks brúkaraprístalið við 2,8%, og tað er munandi lægri, enn vøksturin í brúkaraprístalinum hevur verið síðani annan ársfjórðing 2022.

Myndi 2.3 vísur vøksturin í brúkaraprístalinum (inflasjónini). Í fjórða ársfjórðingi 2022 var prísvøksturin 10,1%, meðan hann í 4. ársfjórðingi 2023 var 2,8%.

Meðan oljuprísirnir høvdu størstu ávirkanina á brúkaraprístalið í byrjanini av 2022, hevur tað síðani verið øktir matvøruprísir, ið hava togað brúkaraprístalið upp. Í fyrsta ársfjórðingi 2023 var tað í mesta mun dýrkaðar matvørur, rentuútreiðslur og streymprísir, sum togaðu prísvøksturin upp, og í øðrum ársfjórðingi 2023 vóru tað rentuhækkingar og dýrkaðar matvørur, sum gjørdu seg galdandi. Í fjórða ársfjórðingi 2023 høvdu øktu rentuúreiðslurnar størsta ávirkan á brúkaraprístalið. Matvørurnar hækkaðu eisini í fjórða ársfjórðingi 2023, men í minni mun, enn tær hava gjørt síðani prísirnir byrjaðu at veksa í 2022. 

Í mynd 2.4 eru teir 3 vørubólkarnir, sum fylla mest í nýtsluni hjá húsarhaldunum, vístir. Tann vørubólkurin, sum fyllir mest er matur og alkoholfríar drykkjuvørur, og prísvøksturin í hesum vørubólki er øktur nógv síðani miðjan 2021. Flutningur er útreiðslur til keyp og rakstur av bili íroknað brennievni til bilin. Vørubólkurin ’býli’ hevur størsta prísvøksturin. Í bólkinum fyllir oljunýtsla til upphiting av húsunum ein stóran part, men eisini elnýtsla og rentuútreiðslur. 

Les várfrágreiðingina hjá búskaparáðnum her.